Февралѧ д҃і. Въ тъжь дьнь памѧть преподобнаго отца нашего Кюрила философа и ѹчителѧ словѣньска.
Въ Селѹньстѣмь градѣ бѣ ѥтеръ добророденъ мѹжь именемь Левъ, саном же сотникъ, от негоже роди сѧ блаженыи Кирилъ. Егда же бысть з҃ лѣтъ отрочище, видѣ во снѣ, іако нѣкы воѥвода събра всѧ дѣвица и повелѣ Кюрилови от всѣхъ избрати собѣ ѥдину. Онъ же избравъ ѥдинy собѣ именемъ Софью и въставъ от сна, сказа си отцю и матери. И глаголаста ѥму родителѧ ѥго: храни чадо, ѥже видѣ; воѥвода бо ангелъ ѥсть божии, а дѣвица мудрость ѥсть божиіа, но да ти бѹдеть чадо сестра.
Мудро же бѣ отроча зѣло. И поіаша и в полату цесареву и преданъ бысть цесаремь логофету философу. И въ три мѣсѧци наѹчи сѧ всеи хытрости и мудрости, и четырми іазыки философии наѹчив сѧ: и ѥлиньскы, и римьскы, сурьски, жидовьски. И бысть любимь цесаремь. И не изволи чьсти цесаревы, но паче божiю възлюби; и отшедъ но Оузкоѥ море, бысть мнихъ.
Ревность же имѣіа свѧтого Павла, тщаше сѧ за Христа пострадати. И посланъ бысть цѣсаремъ въ срацины въстѧзати сѧ о вѣрѣ. И обличи ѥресь Махметову нечьстиваго. И всѧ волхвы ересьскыіа ѹкоривь, и възвратив сѧ съ великою чьстью. И пакы отиде на сѣверьскую страну въ Козары, и ѹчаше вѣровати въ Христа. и створше свѣть жидове, хотѣша и ѹбити, но не дасть ѥго игѣмонъ: дондеже ѹприте ѥго, рече, не имате власти погубити ѥго. И събраша сѧ мнози жидовьстии хитреци съ агарѧны на нь. Кюрилъ же ѥдинъ вшедъ, побѣди всѧ: агарѧны бо іако бѣсовьскыіа слугы обличивъ ѹкори, жиды же іако божии преступникы посрами. И оки от нихъ іакрьстиша сѧ, дрѹзии же изгнани безъ имѣньіа.
По семь иде в Мораву, и многи наѹчи вѣровати Христови. И Замбриіа
ѥретика молитвою ѹмори, иже наѹсти ѹбити свѧтого. По семь иде в болгары, проповѣдаіа Христа. Тако же и въ словѣны прошедъ, всѧ грады наѹчи Христовѣи вѣрѣ, и по Дунаю. И створиша и ѥпископа в Канаонѣ градѣ, и молиша и да наѹчить іа своимъ іазыкомъ книгамъ. Он же постив сѧ м҃. днии к богу молѧ сѧ, и написа имъ л҃. словъ и и҃. И наѹчи іа тако словѣньскымъ іазыкомъ книгамъ, и сего ради словѣньскыи ѹчитель нарече сѧ.
И тако поживъ и чюдеса створь, в старости добрѣ въ Господу отиде. И погребенъ бысть въ Кананонѣ градѣ.
http://scripta-bulgarica.eu/bg/sources/zhitie-na-sv-kiril-ot-prostiya-prolog
Американски старжурналист: В Украйна кон...
6 задачи през които избраните трябва да ...
2. бъди българин
3. geravna
4. zeravna
5. zeravna
6. virginia grotta
7. Виртуална библиотека
8. Къде сте
9. Песен за Нибелунгите
10. Войни на Тангра