О писменехь чрънори́zца Хра́бра

Прѣжде ѹ҆бω словѣне не и҆мѣхѫ книгъ. нѫ чрътами и҆ рѣзами чьтами чьтѣхѫ и҆ гатаахѫ погани сѫще. кръстивше же сѧ. ри́м‘сками и҆ гръчьскыми писмены, нѫждааха сѧ словѣн‘скы рѣчь безь ѹ҆строениа. нѫ како мо́жеть сѧ. писати добрѣ гръчьскыми писмены. б҃г. и҆ли живω҆т. и҆ли зѣлω. о҆ли ц҃рковь. и҆ли чаание и҆ли ширωта. и҆ли ‘іадь. и҆ли ѫ҆дру. и҆ли ю҆ность. и҆ли ц҃рковъ. и҆ли по(д)бнаа симъ. и҆ тако бѣше многа лѣта.

Потом же ч҃лколюбеца б҃г строжи всѣ и҆ не ω҆ставлѣѫ ч҃лча рода безъ разоума, нѫ в сѧ къ разоумоу приводѧ и҆ сп҃сению, помиловавь родъ ч҃лчь, посла и҆мь с҃тго кωстанти́на философа нарицаемого ки́рила, мѫжа праведна и҆ истинна. и и́ сътвори и́мъ л҃. писмена и҆ о́смь, ωва убω по чиноу гръчьскыхь писменъ, ωва же по словѣнстѣи рѣчи. ѿ пръваго же наченъ по гръчьскоу. ω҆ни ѹ҅бо алфа а҆ съ̏ а҅зь. ѿ а҅за начѧть ωбое. и҆ іа҆коже ω҆ни по.доблыше сѧ жидовьскымь писменъ сътво́ришѫ, тако и҆ съ̏ гръчьскымъ. жидове бω първое пи́сма имѧть а҅лефь, е҆же сѧ сказаеть ѹ҆чинение съвръшаѫще. въводимоу дѣтищоу и҆ г҃лѧще. Учи сѧ речрние сказаниа жидовьска гръчьску ѫ҆зыкомѹ. да речеть дѣтищоу вь ѹ҆чениа мѣсто и҆щи, алфа. бо ищи сѧ речеть гръчьскомь ѫ҆зыкомъ. тѣм бо по(д)бѧ сѧ ст҃ыи ки́рилъ створи пръвое писма а҅зь. нѫ іа҆ко и҆ пръвомѹ сѫщоу писмени а҆зь. и҆ ѿ б҃а даноу родоу словѣн҆скомѹ на ѿвръстие ѹстъ. въ разоумъ ѹ҆чѧщим сѧ буквамъ. великомь раздвижениемь ѹстъ възгласит сѧ. а҆ ω҆на пи́смена ма́ломъ раз(д)вижениемь ѹстъ възгласѧт сѧ и҆ и҆сповѣдаѫт сѧ.

Се же сѫть писмена словѣньскаа сице. а по(д)баеть писати и҆ гл҃ати. а҃ б҃ в҃ г҃.

Дроузии же гл҃ѧть. по́что е҆сть, л҃и. писменъ ство́рилъ. а҆ мо́жеть сѧ и҆ меншимь того писати, іа҆коже и҆ гръци. к҃д. пишѫть, и҆ не вѣдѧть колицѣмь пишѫть гръ́ци. е҆сть боуω, к҃д. писменъ. нѫ не наплънѣѫт сѧ тѣми кникы. нѫ приложили сѫтъ двогласныхь. а҃і. i҆ въ чисменех же, г҃: ѕ҃-е. и҆. ѳ҃ десѧтное. и҆ ѳ̅ сътное. и҆ събираѫт сѧ ихь, л҃и. тѣм же по томоу по(д)бно и҆ въ тьж(д)е ωбра(з)ъ ство́ри ст҃ыи ки́рилъ, л҃и. писменъ.

Дроузии же гл҃ѧнть. чесомоу же сѫть словѣнскы книги; ни того бо е҅сть б҃ь сътво́рилъ, ни то аг҃гли, ни сѫть и҆ж(д)еко́ннин, іа҆ко жидовьскы и҆ римьскы и҆ еллинскы, и҆жде ѿко́на сѫть, и҆ приѫты с(т)ѫ б҃мъ. а҆ дроузии мнѧть іа҆ко б҃ъ намъ е҆сть створилъ писмена. и҆ не вѣдѧт сѧ что гл҃юще ω҆кааннии. и҆ іа҆ко трими ѫ҆зыкы е҆сть б҃ь поселѣлъ книгамъ быти. іа҆коже въ е҆ѵ(р)ли пишеть. и҆ бѣ дъска написана жидовьсы и҆ римскы и҆ е҆ллинскы. а҆ словѣнскы нѣ(с) то̏у. тѣм же нѣ сѫть словѣнскыѫ книгы ѿ б҃а. къ тѣмь что гл҃емь; и҆ли что ре(ч)мь къ тацѣмь безоумиемь; ωбаче речемъ ѿ ст҃хь книхъ іа҆коже научихωм сѧ. іа҆ко в сѣ по рѧдоу бываѫть ѿ б҃а. а҆ не и҆ногдоѫ. нѣсть бо б҃ь створилъ жидовьска ѫ҆зыка прѣж(д)е. ни римска. ни еллиньска. нѫ сирскы. и҆мже и҆ а҆дамъ г҃ла. и҆ ѿ а҆дама до потопа. и҆ ѿ потопа. дондеже б҃ъ раздѣли ѫзыкы при стльпотворенїи іа҆коже пишеть. размѣшеном же бывшемь ѫ҆зыкωмъ. и҆ іа҆коже сѧ ѫ҆зыкы. е҆гиптѣнωм же земе(д) мѣрение а҆ пе́рсωмъ и҆ халде҆ωмъ и҆ а҆сире҆ωмъ звѣздочьтение, вльшвение, врачевание, чарованиа, и всѣ хытрость чл҃ча. жидовом же ст҃ыѫ кни́гы, вь нихже есть писано, іа҆ко б҃ъ н҃бо и҆ землѧ, и҆ всѣ іа҆же на неи, и҆ чл҃ка, и҆ всѣ по рѧдоу іа҆коже пи́шеть. еллинωмъ граматикнѧ, ритотикиѧ, философиѫ.

Нѫ прѣж(д)е сего еллини не и҆мѣхѫ свои҅мъ ѫ҆зыкомъ писменнѫ финичьмскыми пи́смены писахѫ своѫ рѣчь. и҆ тако бѣшѫ многа лѣта. Панамидь же послѣжде пришедъ. наченъ ѿ а҅лфы и҆ ви́ты, ѕ҃і. пи́сменъ тъкмо еллинωмъ ω҆брѣте. прѣложи же и҆мъ кадьмъ милисїи писмена, г҃. тѣм ѫе многа лѣта, ѳ̅і, писмены писаахѫ. и҆ по томъ симони́дъ ω҆брѣтъ приложи двѣ пи́смени. ҆епихаріи же сказатель, г҃. писмена ωбрѣте. и҆ събра сѧ и́хъ, к҃д. по мнозѣх же лѣтѣхь днонись граматикъ, ѕ҃. двогласныхъ ω҆брѣте. по том же дроугыи, е҃. и҆ дроугыи г҃. чисменитаа. и҆ тако мнози многыми лѣты е҆два събрашѫ, л҃и. писменъ. по том же многомъ лѣтωмъ мниѫвшемъ. бж҃иемъ повелѣниемъ ω҆брѣте сѧ, о҃. мѫжъ. иже. иже прѣложишѫ ѿ жидовъскаа на гръчьскыи ѫзыкъ. а҆ словѣнскыѫ кни́гы. е҆ди́нъ ст҃ыи кωстанти́нъ нарицаемыи кирилъ. и҆ пи́смена ство́ри и҆ кни́гы. прѣложи въ малѣхъ лѣтѣхь. а҆ ω҆ни мнози многы лѣты. з҃. и́хъ писмена ѹ҆стро̋, а҆ о҃. прѣложенїе. тѣм же словѣнскаа пи́смена ст҃ѣиши сѫ(т) и҆ чьстнѣ҆иша. ст҃ь бω мѫжъ створилъ іа іе(с), а гръчьскаа еллини погани.

҅Аще ли кто речеть іа҆ко нѣ(с) ѹ҆строилъ добрѣ, понеже сѧ постраіаѫть и҆ е҅ще, ѿвѣтъ речемь си́мь. и҆ гръчьскы тако(д)же. многажди сѫть постраіали а҆килла и҆ симмахъ. и҆ по томъ нин мнози. ѹ҆хобѣе бо е҆сть послѣж(д)е потворити неже пръвое ство́рити.

́Аще бо въпро́сищи книгъчиѧ гръчьскыѧ гл҃ѧ. кто вы е҅сть писмена створилъ, и҆ли кни́гы прѣложилъ, и҆ли вь кое врѣмѧ, то рѣдціи ѿ нихь вѣдѧть. аще ли въпро́си словѣнскыѧ боукарѧ г҃лѧ. кто вы писмена створилъ е҆сть, и҆ли книгы прѣложилъ, то вьси вѣдѧть. и҆ ѿвѣщавше рекѫть. ст҃ыи кωстаннти́нъ философъ нарицаемыи ки́рилъ. тъ̏ намь пи́смена створи и҆ книгы прѣложи. и҆ меѳоие братъ е҆го. и҆ а҆ще въпро́сиши в кое врѣмѧ. то вѣдѧть и҆ рекѫть. іа҆ко въ врѣмена михаила ц҃рѣ гръчьскаго. и бориса кнѧза блъгарскаго. и растица кнѧза морска. и҆ коцелѣ кнѧза блатенска. въ лѣта же ѿ създаниа въсего мира ѕ̅т̅в̅г̅.

Сѫть же и҆ и́ни ѿвѣти ѧ҅же и҅ н҆иде речемъ. а҆ нинѣ нѣстъ врѣмѧ. такъ разоумъ братие б҃ъ е҆сть далъ словѣнωмъ. е҆моуже слава и҆ чьсть и҆ дръжава и҆ похланѣние. нинѣ и҆ присно. и҆ въ бесконеччыѧ вѣкы, а҆мин.

Препис: 

Лаврентиев препис

Среднобългарски сборник от 1348 г., среднобългарска редакция, писан на хартия за българския владетел от инок Лаврентий. Засега това е най-старият препис. 
http://scripta-bulgarica.eu/bg/sources/za-bukvite-na-chernorizec-hrabr