Как се подменя етногенезиса и идентитета/съзнанието на народите
Когато намерите една дума славяни , византийци или тюрки в Летописа , елате и ми се обадете
В лѣто . ҂s҃. у҃. s҃. [6406 (898)] Їдоша Оугре мимо Києвъ
18
горо̑ю 23 . єже сѧ зоветь нн҃ѣ Оугорьскоє . и пришєдшє къ Днѣпру . сташа вежами . бѣша бо ходѧще ӕко и Половци . и пришєдшє ѿ въстока . и 24 оустремишасѧ чересъ горы великыӕ . иже про̑звашасѧ горы Оугорьскыӕ . и почаша воєвати на жи̑вущаӕ ту . сѣдѧху бо ту преже Словене . и Волохове . переӕша землю Волъıньскую 25 Г . по семъ же Оугре прогнаша Волохы . и наслѣдиша землю ту . и сѣдоша съ Словеньми . покоривше 26 ӕ подъ сѧ . и ѿтолѣ прозвасѧ /л.10об./ землѧ Оугорьска 27 . и начаша воєвати . Оугре на Грѣкы . и пополониша землю Фрачьскую . и Македоньску . доже 28 и до Селунѧ . и начаша воєвати на Мораву . и на Чехы . бѣ бо єдинъ ӕзыкъ Словѣнѣскъ . Словѣнѣ же сѣдѧху по Дунаю. ихъ же приӕша Оугре . и Мо̑рава . и Чеси . и Лѧховѣ . и Полѧне . ӕже нн҃ѣ зовемаӕ 29 Русь . симъ 30 пѣрвѣє 31 положены книгы . Моравѣ ӕжеи̑ прозвасѧ грамота Словеньскаӕ . ӕже грамота є 32 в Руси . и в Болгарехъ Дунаискых̑ . Словѣномъ бо живущимъ крс̑щеным̑ . и кнѧземъ ихъ Ростиславъ . и Ст҃ополкъ . и Коцелъ . послаша къ цс̑рю Михаилу гл҃ще . землѧ наша крѣщена . и нѣс̑ в нас̑ оучитель . иже бы нас̑ оучилъ 33. и казалъ 34 . и протолковалъ ст҃ыӕ книгы . не разумѣємъ бо ни Грѣчькому ӕзыку . ни Латиньскому 35 . ѡны бо ны 36 инако оучать . а друзии инако . тѣмь же не разумѣєм̑ книжнаго разума . ни силы ихъ . а 37 послете ны 38 оучителѧ . иже могуть ны 38 сказати книжнаӕ 39 словеса . и разумъ ихъ . Се слышавъ . Михаилъ цс̑рь . съзъва философы 40 всѧ . и сказа имъ рѣчи всѧ Словеньскыхъ кнѧзь . и ркоша̑ 41 философы . єсть мужь в Селуни . именемь Левъ . и суть оу него сн҃ве разумиви ӕзьку 42 Е Словеньску . и хытра два сн҃а оу него и философа ❙
Варіанты: 1 Х. приб. же. 2 Х. опущено. 3 Х. приб. въскорѣ. 4 Х. мефодіа. 5 Х. прислася. 6 Х. приб. къ. 7 Х. преложиста. 8 Х. преложиста. 9 Х. латинь. 10 Х. приб. гля (глаголя). 11 Х. книгы. 12 Х. река. 13 Х. будоут. 14 Х. тіи. 15 Х. достоит. 16 Х. отрините. 17 Х. оучити. 18 Х. болгарска. 19 Х. скорописца. 20 Х. двоюнадесят. 21 Х. днь. 22 Х. въздасть гви (Господеви). 23 Х. намѣстнику. 24 Х. и в моравы. 25 Х. ес. 26 Х. илюрикь. 27 Х. бѣша. 28 Х. пръвое. 29 Х. есмь. 30 Х. единь. 31 Х. тоже полями, но надъ ля приписана позднѣе буква н подъ титломъ. 32 Х. приб. а. 33 Х. семеон. 34 Х. дерстерь.
19
Примѣчанія: А Буква е въ преложиста написана надъ соскобленнымъ и. Б Въ нѣции ц написано надъ ч. В Буквы ще въ глще написаны по скобленному мѣсту, поверхъ слова яко. Г При словѣ буковъ на лѣвомъ полѣ приписана буква а (абуковъ). Д Слогъ на зачеркнутъ. Е Буквы ол написаны сверхъ соскобленнаго. Ж Слогъ до приписанъ позднѣе надъ строкой. З Слогъ ви надписанъ надъ строкой. И Такъ въ рукописи.
Се 1 слышавъ цс̑рь посла по нѧ . в Селунь къ Лвови гл҃ѧ . пошли к 2 намъ 3 сн҃а своӕ . Мефедьӕ 4 и Костѧнтина . се слышавъ Левъ . въскорѣ посла ӕ . и придоста къ цс̑рви . и реч̑ има цс̑рь . се прислаласѧ 5 ко мнѣ Словеньска̑ӕ землѧ . просѧще оучи̑телѧ себѣ . иже бы моглъ имъ истолковати . ст҃ыӕ книгы . сего бо желают̑ . и оумолена быста цс̑ремъ . и послаша ӕ въ Словѣньскую земьлю . къ Ростиславу и 6 Ст҃ополку . и Коцьлови . сима же приш̑дъшима . на/л.11/часта съставлѧти писмена . азъбуковнаӕ Словеньскы . и прело̑жиста 7 А апс̑лъ и єоуаг̑лиє . и ради быша Словѣнѣ . ӕко слышаша величьӕ Би҃ӕ своимъ ӕзыком̑ . по семъ же переложиста 8 пс̑лтрь . и ѡктаикъ . и прочаӕ книгы . нѣчии Б же нач̑ша хулити Словеньскыӕ книгы гл҃ще В . ӕко не достоить никоторому же ӕзыку имѣти буковъ Г своихъ . разъвѣ Єврѣи и Грѣкъ . и Латины 9 . по Пилатову писанию . єже на крс̑тѣ Гс̑ни̑ . написа . се же оуслышавъ папежь Римьскыи . похули тѣхъ 10 . иже ропьщют̑ на кникы 11 Словѣньскыӕ . рькѧ 12 да сѧ исполнит̑ книжноє слово̑ . ӕко въсхвалѧть Ба҃ вьси ӕзыци . другоє же вси възгл҃ють ӕзыкы различными величьӕ Би҃ӕ . ӕкож̑ дасть им̑ ст҃ыи Дх҃ъ ѿвѣщевати . да аще кто хулить Словеньскую грамоту да буть 13 И ѿлучени ѿ црк҃ве . дондеже исправѧтсѧ . ти 14 бо суть волци а не ѡвцѣ . ӕже достостоить 15 И ѿ плодъ познати ӕ . и хранитисѧ ихъ . вы же чада Божиӕ послушаите оучениӕ . и не ѿринете 16 наказаниӕ цр҃ковнаго . ӕко же вы наказалъ Мефедии оучитель вашь . Костѧньтинъ же възвратисѧ въспѧть . и иде оучить 17 Болгарьска 18 ӕзыка . а Мефедии ѡста въ Моравѣ . по семь же Коцелъ кнѧзь
20
постави Мефедиӕ єпс̑па въ Пании . на мѣстѣ ст҃го апс̑ла Андроника . єдиного ѿ . о҃ . оучн҃ка ст҃го апс̑ла Павла . Мефедии же посади . в҃ . попа борзописца 19 . велми . и преложи всѧ кьнигы исполнь ѿ Грѣцька ӕзыка въ Словѣнѣскъ . шестью мс̑ць . наченъ ѿ марта мс̑ца до двунадесѧту 20 Д . и . s҃ . дн҃ии 21 ѡктѧбрѧ мс̑ца . ѡкончавъ же достоиную хвалу . и славу Бу҃ въздасть 22 . дающему таку блгд̑ть . єпс̑пу Мефедью настолнику 23 Е Андроникову . тѣмь же Словѣнь/л.11об./ску ӕзыку єсть оучитель Андроникъ апс̑лъ . Моравы 24 бо доходилъ . и апс̑лъ Павелъ и оучилъ ту . ту бо є 25 Илурикъ 26 єгоже доходилъ Ж апс̑лъ Павелъ . ту бо бѧша 27 Словѣни пѣрвѣє 28 . тѣмь же Словѣньску ӕзыку оучитель єсть Павелъ . ѿ негоже ӕзыка и мы єсме 20 Русь . тѣм же и намъ Руси оучитель єсть . Павелъ апс̑лъ . понеже оучилъ єсть ӕзыкъ Словѣнескъ . и поставилъ єсть єпс̑па и намѣстника по себѣ . Андроника Словѣньску ӕзыку . а Словѣнескъ ӕзыкъ и Рускыи ѡдинъ 30 . ѿ Варѧгъ бо прозвашасѧ Русью . а пѣрвѣє бѣша Словѣне . аще и Полѧне звахусѧ . но̑ Словѣньскаӕ рѣчь бѣ . По̑лѧми 31 же прозвашасѧ . занеже в полѣ сѣдѧху . 32 ӕзыкъ Словѣньскыи бѣ имъ єдинъ❙
В лѣто . ҂s҃ . у҃ . з҃ . [6407 (899)] ❙ В лѣто . ҂s҃ . у҃ . и҃ [6408 (900)] ❙ В лѣто . ҂s҃ . у҃ . ѳ҃ [6409 (901)] ❙
В лѣто . ҂s҃ . у҃ . ı҃ [6410 (902)] ❙ Леѡнъ цс̑рь наӕ Оугры на Болгары . Оугре же нашедше всю землю Болгарьскую . плѣноваху . Семенъ 33 же оувѣдавъ . на Оугры възвратисѧ . Оугри противу поидоша . и побѣдиша Болгары . ӕко ѡдъва Семеѡнъ . въ Деръстеръ 34 оубѣжа ❙
В лѣто . ҂s҃ . у҃ . а҃ı [6411 (903)] ❙ Ігореви З възрастъшю .
Варіанты: 1 Х. приведоша. 2—2 Х. опущено.
21
Примѣчанія: Н Такъ въ рукописи.
и хожаше по Ѡлзѣ и слуш̑ше єго . и прививедоша 1 Н єму жену ѿ Плескова . именемь Ѡльгу ❙
2 В лѣто . ҂s҃ . у҃ . в҃ı [6413 (904)] ❙ В лѣто . ҂s҃ . у҃ . г҃ı 2 [6414 (905)] ❙ В лѣто . ҂s҃ . у҃ . д҃ı [6415 (906)] ❙
http://litopys.org.ua/ipatlet/ipat01.htm
24.01.2023 11:43
24.01.2023 12:05
2. бъди българин
3. geravna
4. zeravna
5. zeravna
6. virginia grotta
7. Виртуална библиотека
8. Къде сте
9. Песен за Нибелунгите
10. Войни на Тангра